Миний нутаг

Миний нутаг

Монголын орчин vеийн утга зохиолыг vндэслэгч Дашдоржийн Нацагдоржийн “Миний нутаг” шүлэг монгол бичгээр

Minii nutag

МИНИЙ НУТАГ

Хэнтий, Хангай, Соёны єндєр сайхан нуруунууд
Хойд зvгийн чимэг болсон ой хєвч уулнууд
Мэнэн, Шарга, Номины єргєн их говиуд
Ємнє зvгийн манлай болсон элсэн манхан далайнууд
Энэ бол миний тєрсєн нутаг
Монголын сайхан орон
Хэрлэн, Онон, Туулын тунгалаг ариун мєрнvvд
Хотол олны эм болсон горхи, булаг рашаанууд
Хєвсгєл, Увс, Буйрын гvн цэнхэр нуурууд
Хvн малын ундаа болсон тойрон бvрд уснууд
Энэ бол миний тєрсєн нутаг
Монголын сайхан орон
Орхон, Сэлэнгэ, Хєхvйн онц сайхан голнууд
Уурхай баялагийн охь болсон олон уул даваанууд
Хуучин хєшєє дурсгал, хот балгадын сууринууд
Хол газар одсон харгуй дардан замууд
Энэ бол миний тєрсєн нутаг
Монголын сайхан орон
Холхи газраас гялалзсан цаст єндєр хайрханууд
Хєх тэнгэр цэлмэсэн хєдєє хээр цайдамууд
Холын бараа харагдсан ноён шовх сарьдагууд
Хvний сэтгэл тэнийсэн уудам амьсгалт талууд
Энэ бол миний тєрсєн нутаг
Монголын сайхан орон
Хангай,Говийн хооронд Халхын уудам нутаг
Хар бага наснаас хєндлєн гулд давхисан газар
Гєрєєс, араатан авласан урт урт шилнvvд
Хvлэг морьд уралдсан хєндий сайхан хоолойнууд
Энэ бол миний тєрсєн нутаг
Монголын сайхан орон
Салхины vзvvрт найгасан соргог нарийн ногоотой
Саруулд талд яралзсан сонин янзын зэргэлээтэй
Сайн эрс цугласан байц бэрх газартай
Сvлд тахилга улирсан сvмбэр их овоотой
Энэ бол миний тєрсєн нутаг
Монголын сайхан орон
Нарийн євс ургасан малын сайхан бэлчээртэй
Нааш цааш сvлжих тэнэгэр сайхан нутагтай
Дєрвєн цагийн улиралд дураараа нvvх нутагтай
Таван зvйлийн тарианы хєрс шороот газартай
Энэ бол миний тєрсєн нутаг
Монголын сайхан орон
Єлгий сайхан ууланд євгєдийг тавьсан газар
Yр, ач, хvvхдийн vржиж єссєн газар
Таван хошуу мал тал дvvрэн бэлчсэн нутаг
Монгол хvн бидний сэтгэлийг сорсон орон
Энэ бол миний тєрсєн нутаг
Монголын сайхан орон
Євлийн тасхийм цагт цасан мєсєн бvрхээд
Болор шилийн єнгє гялтганаж, гялалзсан орон
Зуны найртай улиралд цэцэг, навч дэлгэрээд
Жигvvртэн шувуу холоос ирж гангар гунгар донгодсон орон
Энэ бол миний тєрсєн нутаг
Монголын сайхан орон
Алтай, Хянган хоёрын завсарт атар баялаг орон
Аав, ээжийн минь оршсон ашдын заяасан нутаг
Алтан нарны туяанд энхжин тогтсон орон
Мєнгєн сарны гэрэлд мєнхжин гялалзсан газар
Энэ бол миний тєрсєн нутаг
Монголын сайхан орон
Хvннv, Сvннvгийн vеэс хєгшид євгєдийн нутаг
Хєх Монголын цагт хvчирхэг болсон орон
Он онд идээшиж олон жилд дассан нутаг
Одоогийн шинэ Монголын улаан туг бvрхсэн нутаг
Энэ бол миний тєрсєн нутаг
Монголын сайхан орон
Єссєн тєрсєн бидний vндэсний хайртай нутаг
Єнгєлзєгч дайсан ирвэл vтэр єшиглєн хєєнє
Хувьтан энэ орондоо хувьсгалт улсаа мандуулж
Хойчийн шинэ ертєнц дээр хvндтэй гавьяаг байгуулъя
Энэ бол миний тєрсєн нутаг
Монголын сайхан орон

mongolei-kalligraphie

24 Comments

  1. монголын сайхан шүлэг

  2. bayrla uneher ih hereg bolloo

  3. NUTUG GJ BICHDEG BIZDEE?
    ZASAAARAI

  4. нутаг гэдгийг нутуг гэж бичдэг шүү дээ

  5. Ундрах буян |

    МАШ ГОЁ ШҮЛЭГ ШҮҮ УНШААД БАЙМААР

  6. за эхнээс авахуулаад нилээн алдаа байна. шарга гэдгийг ширга гэж бичнэв шарга гэдэг нь шар үхэр гэдэг язгуур үг дээр нөхцөл залгасан байна. гэх мэт… горхи, хөвсгөл, увс гэх мэт…

  7. bayrlalaa mash ioh hereg bolloo

  8. ваттөгс |

    маш гоё шүлэг шүү

  9. mash ikh bayarllaaa

  10. ymr ih aldaatai ym be -_-

  11. goe shvleg shvv gehdee jhon aldaa bn

  12. yst hrg bllo byrlla goy blog bn admind.

  13. Үнэхээр их баярлалаа

  14. гоё шүлэг бна

  15. Б.Энхдөлгөөн |

    үнэхээр гоё шүлэг шүү хүмүүсээ ганц тус болооч гол санаа гийн бичээд өгөөч

  16. mongoliin maani uv soyl bolson uneheer baharhmaar shuleg

  17. bayrlalaa vneheer hereg bolloo

  18. geriin daalgawaraa hiichlee

  19. Уншаад л баймаар гоё шүлэг шүү гэхдээ яаж цээжлэх вэ урт юм аа

  20. баярлаа их хэрэг боллоо

Leave a Comment